修成林果: 日日有jap神~~~

話說, 因為師父之前要出trip未能為他慶生,
再加上師父的"dear"來港多日,
所以師父在30April2007假vanjar家舉行大jap會...

伙頭有師父, 賴太及Reno("dear")...

頭盤有師父的咖哩配法式長面包, 非常好味~~~
然後有杏仁nuts炒西蘭花, 不俗~~~
再有炒意粉, 無味...
最後~~~ 有Reno的"白酒煎牛仔肉夾鼠尾草煙三文魚"(忘了是不是煙三文魚, 賴太請更正!!!),
嘩~~~ 呢碟好味到呀~~~ d鼠尾草的香味到依家都仲好似留係我個鼻喥咁呀~~~
仲有d用白酒醃過的牛仔肉好味到賴太同師父以為係豬扒,
就咁一啖咬咗落去...

剩最後兩塊牛肉時, 有人問: "阿高係唔係食咗先過來架? 使唔使留d畀佢?"
賴太思索兩秒後答: "哦... 佢好似係食咗先過來..."
唔記得係邊個講: "咁呀... 食埋佢啦~~~"

然後, 除咗意粉外, 其他在枱上的食物都畀我哋呢班蝗蟲食晒...
嗰時先發覺唔記得幫d美食影相... 因為個個都只係掛住食...

在大家都好飽足時,
賴太一邊講電話一邊驚叫: "吓???!!!你未食野架???咁我依家即刻再煮..."
掛線後, 賴太雙手抓著頭皮, 臉容扭曲的說: "哎吔... 我點會咁都聽錯架??? 阿高原來係未食野架~~~"
大家喺呢個時候, 頭頂都不約而同地多咗個"!"...

我自動請纓話要幫忙, 不過因為我對烹飪係0 concept,
所以只獲分派切菜一職... (肥豬走來指指點點的教我切菜就唔提啦~~~)
喺我切切切嘅時候, Flora同Rex上到來...
Flora入屋後問: "有咩食呀?"
賴太呆咗: "吓... 你未食架?"

最後係賴太同師父合力煮咗一碟長通粉畀阿高, 同埋一份三文治畀Flora...
跟住我成晚都唔敢提起Reno嗰碟牛仔肉...

* * * * *

第二朝醒時係十二點左右,

我賴床賴到兩點先起身...

一起身就有一碗好足料嘅魚翅湯等緊我...