好... 好... 唉...

我真係好討厭那個只是得把口的大哥...
如果可以每晚坐下來,
不說一些太深入的話題...
我想我不會討厭他到這個程度...

昨晚, 老媽又在嘮叨著我不去找個人拍拖甚麼的,
說找個人就可以照顧我這樣那樣... 說了一大堆的...
我媽手執著我的子平八字問我:"上次那個跟你說你2014年才有拖拍的人, 他是怎樣跟你說的???"
(其實是上次種下的禍根... 我把小巫給我稍稍推的運, 拿了來搪塞我媽那嘮叨的嘴巴... 想不到報應在這時發生...)
我哥:"唉... 你太迷信啦!!!"
我媽繼續算著:"那個人不準... 你的命格明明是旺夫..."
我沒好氣:"那是用星座命盤算的... 你不要再理啦!!!"
我哥懶醒:"星座都好信??? 星座一定唔準啦!!! 我都未睇過一本係講得我準!!! 你唔係咁都信呀嘛???"
我真係想搵隻高踭鞋"亨"佢個頭:"我講緊嘅係每個人的星座命盤!!! 好似紫微斗數咁, 每個人出世時d星星所分佈的位置都唔同... 不是你在街邊買的那些, 一本給十二分之一人口看的那種..."
我哥:"係咩??? 有d咁嘅嘢架咩??? 但係我唔信佢會準..."
我真係唔想再講...:"星座唔係睇命運... 星座係睇性格, 情緒同心理影響多架!!! 唔同紫微斗數!!! 唔知唔好再講!!!"
我媽:"嘩~~~ 2014都成三十幾... 咁老... 邊會有人要架???"
我說:"一切隨緣吧... 又不是沒在找, 只是找不到合適的, 更何況找到都不代表一定可以很好..."
在旁的那個看似是蜜運中的大哥, 又在發揮他那偉大的智慧:"你這樣想就太負面啦..."
我立即登著史無前列地大的雙眼喝斥他:"你唔好再出聲!!! 我咁講只是想他不要再繼續說下去!!!"
(不要怪我這樣喝他, 因為我太清楚跟在他這句話後頭的偉論...)
然後成屋靜晒~~~

今晚又發作... 這次談的是工作...
事緣是他那份工務員工作將會加薪4.62%,
他開開心心, 得得意意的說:"4.62%不算多, 不過加埋年尾跳point就很不俗!!!"
本來他有人工加, 我都很替他高興...

我媽忽然又找著我來說希望我當年沒有去讀設計, 在銀行裡繼續做都一定好過現在甚麼的...
我哥說:"做銀行都未必好!!! 出面d公司其實未必咁穩陣!!!"
媽媽說:"起碼不會整天都在做那些手作仔, 看見都覺得很累!!!"
(扯去邊呀???)
我按奈著我的脾氣跟媽媽說:"就算我在銀行工作, 我都會做那些手作仔, 因為那些是我的興趣!!! 更何況我只適合做這行, 因為我只會把有興趣去做的事做好!!!"
我哥又插嘴:"你唔係只適合呢行, 呢行係你嘅興趣, 只係你唔鍾意試新嘢!!!"
(吓?!! 講真... 你哋數吓有咩其他新嘢啱我得嚟又保證一定好有前途???)
我強調:"我只適合做自己有興趣有目標的行業, 我只去學我有興趣的事!!!"
我哥:"學咗, 成效都未必好!!!"
我強調:"我覺得比起無知好!!!"
我哥:"要睇你上司覺得好唔好!!!" (呢一刻我真係好想同佢講, "你收皮啦你!!! 學咗d嘢係自己架!!! 關其他人春事咩!!!")

我說得比平時快三倍:"我真係唔明點解, 你又唔知我嗰行要做d咩, 但係你就成日好似咩都知咁不斷評論我嗰行!!! 我夠唔知你嗰行做survey要做d咩啦, 但係你有無見過我評論你果行??? 唔知點解你成日都要講到自己咩都知咁, 但係問你, 我嗰行要做d咩你又答唔到~~~"

我媽突然大笑:"我未見過阿萍講嘢講到好機關槍咁快!!!"

我說:"其實我不嬲都可以咁快, 只係我會唔會去到咁盡..."

我哥發老脾:"佢發脾氣之嘛!!! 唔講啦!!! 成日誤解人地嘅意思!!!"

......我其實都真係覺得好辛苦... 都成二十幾三十年架啦... 到依家佢地都仲係希望我依照著佢地那套去做... 邊有可能??? 識我嘅都知無可能架啦!!!