"你信唔信有報應架?"

今日在公司開著msn時, 收到由某位只見過數面的朋友傳來的msg...
他擘頭第一句就是問我如題的這句話...
當時我還未弄清他是誰...
我真的"好驚"... 心想"死啦... 邊個嚟架...? 係咪我得罪咗佢唔知呢...?"

然後我唯唯諾諾的答"信架~~~"
他繼續問"點解你信?"
見他覆我這句, 個心開始往下沉... 不知所措的...
唯有虛張聲勢答"因為係自然定律~~~" (嘿?! 虧我答得出...)

不久, 我查清他是誰, 看著他的照片, 我簡直放了十億個心...
他是某個朋友的朋友, 一個很開朗的少女,
他的名單在我的msn內已有好一段日子,
不過就是沒說過話...

看得出他很不開心, 但又不知跟誰說,
於是找我這個連稱作"朋友"都沾不上邊的"朋友"來傾訴罷...

他說要告訴我一個秘密, 但不可跟其他人說,
我很堅定的答"放心, 我不會跟任何人說的!!!"
(當然啦!!! 我連他的名字都記不起, 試問又能跟誰說呢??? =.=")

之後, 他開始跟我說他與某個男人的狀況...
他問"點解佢對我咁衰?", "...但點解佢又話唔想放手?"...
我答"衰在佢自私，佢不至於不喜歡你，可能是有好感，但他知道他不夠愛你，甚至係不愛你... 但他又唔知能不能夠再遇到一個比你更好而又能相愛的人..."

他說"唔明"
我打比如"情況就好似打緊一份不過不失，待遇又唔差的工，但若遇好的機會又會去轉工咁... 不過我唔係咁清楚真實情況... 呢d只係我就你所說的去估計的情況..."

總結一, 以上用灰色highlight著的字, 我覺得適合用於拖拉關係中佔75%...
總結二, 我真是"無賴"及"不負責任"...