不要說是好朋友...

由西曆新年延至農曆新年, 我日日都有寫blog的打算...
但讓人懶惰的藉口, 實在是求其踎低都搵到幾個...

2006年我做了一件別人無法理解, 而自己也只是憑感覺所做的決定...

我在沒有被背叛的情況下跟一個朋友"絕交"...
其實話係"絕交", 都只不過是斷絕往來.

結起帳來, 也是我欠的多少許罷...
但我撫心自問, 我跟他又真的有一股很強烈的"唔夾"感覺...
每次他跟我說"他覺得"我和他的興趣很相似, 我只有苦笑;
每次他鬧情緒時來電, 都引導我說那些已說過十萬遍的說話來安撫他,
連我也即時鬧起情緒...
我跟他說我不同意他的見解, 為何還要我來安撫?
若覺得由我口中說出那些話, 就可以安下心的話,
又可有想過我不想說不想答?

希望他日後只跟自己的愛人說:
"我係唔係真係咁唔可愛?"
"我係唔係好任性?"
"講d野氹下我啦~~~"

其實有時有某幾位友人都會跟我說以上的說話,
但不知何解我又沒有討厭的感覺...
係呀!!! 我係個勁偏心的人...

我亦不喜歡外遊時, 總要意見一致的一起去同一個目的地,
為甚麼分開去不同的地方就等於不開心?

或者我是不喜歡把友誼的責任感地面化,
對那些 "你經過我屋企樓下, 點解唔打畀我?" 的說話生厭...
"你已經有好多次推左我地的約會啦, 你呢次唔可以唔來!!!"
有考慮過我不來的真正主因嗎? (我不愛BBQ + 吹海風是其一!!!)
那些 "我地係好朋友, 要好好珍惜大家!!" 之類的說話也會令我落荒而逃,

曾幾何時聽過我說這些話?

我相信如果有人來跟我海誓山盟說海枯石爛,
我一定會跟他絕交,
如果是我喜歡的人的話... 那也許沒事... 但一定沒分加...
浪漫的事不要用口說, 友誼的浪漫亦然...

既然朋友的關係維持得如此辛苦,
為甚麼仍要苦苦堅持?
請別企圖用友誼的銜頭來套著我...

後記: 簡單d咁講... 我只係唔喜歡跟他做"好朋友"... 講完... hi... bye~~~